吻仔魚的天空

 

半暝漁船聲響起
光線照罩在港墘
船隻越頭欲駛離
站著討海的男兒

海水潑來冷酸酸
冰著想厝的心情
十二月天來抓烏
來乎厝內好過年

岸邊滿滿光線透
歡喜唱曲好聲喉
大人囝仔走擱跳
平安滿載尚界敖

家家戶戶傳機私
隔壁莊頭也有到
烏魚白白肥又鮮
魚目仁仁活擱水

烏腱烏鰾烏魚卵
烏魚米粉尚好味
魚卵金水擱飽滿
磅來有重好價錢

台灣一等烏魚子
外銷日本足多年
送禮伴手好看頭
桌頂祝福喜事圓

魚子切片金擱水
入嘴吃來攏香氣
福氣不是逐天有
感恩打拼海男兒